Te Tokorima-a-Mahuika

He utauta arotake Te Tokorima-a-Mahuika hei āwhina i a koe ki te arotake i tō takatū ā-matihiko ā-rōpū, ā-takitahi rānei. Ko tētahi kaupapa matua o Kia Takatū ā-Matihiko, he kohi kōrero o tō ‘takatū’ ki te whakatinana i ngā ihirangi o te Hangarau Matihiko.


Te Tokorima-a-Mahuika | Utauta Arotake Whaiaro

Mō te tangata takitahi, ka taea te whakaoti i Te Tokorima-a-Mahuika ki tā te tirohanga a te kaiako ka whakatinana, e hiahia ana rānei ki te whakatinana i ngā ihirangi o te marau ki roto i te hōtaka ako, ki tā te tirohanga a ngā pou rānei e arataki ana pea i te whakatinanatanga i roto i tō kura. 15 katoa ngā pātai hei whakautu. Kei a koe te tikanga i te nui, i te iti rānei o tāu nā whakamahi i te utauta arotake e kitea ai e koe tō whanake i Kia Takatū ā-Matihiko i te takanga o te wā. Kia mutu ana tō arotake, ka taea te tikiake i tō pūrongo, ki te tiri rānei ki ō hoamahi. Tirohia ngā herenga me ngā āhuatanga mō te whakamahi i Te Tokorima-a-Mahuika i konei:

Ngā Herenga me ngā Āhuatanga mō te whakamahi i Te Tokorima-a-Mahuika

Te taumahi ā-rōpū o Te Tokorima-a-Mahuika

E tūhonohono ana te taumahi ā-rōpū o Te Tokorima-a-Mahuika i ngā otinga arotake whaiaro o te takitahi hei pūrongo whānui o te takatūtanga kia pai ai tō titiro ki te whānuitanga o te takatūtanga o tō kura, o tō rōpū rānei ki te whakatinana i ngā ihirangi hou, i ōna whakatikahanga hoki, o te hangarau matihiko.

Mā tēnei pūrongo whakatōpū e whakaatu i te kaha, me ngā mahi kei mua i ō kaiako. He mea āwhina hoki tēnei i ngā mahere rautaki me te ara ako ngaio.