Pīkau

He kupu te pīkau mō tētahi momo pāhi, kete utauta rānei. Hei te mutunga o te hōtaka Kia Takatū ā-Matihiko he pīkau rauemi tāu hei whakamahi i ngā mahi ako i te ihirangi hangarau matihiko hou.

Te whiriwhiri pīkau

He kupu whakataki kei te tīmatanga o ia pīkau. He ataata kei te whakatakinga me ngā mōhiotanga e pā ana ki ngā raunga kei te pīkau kia pai ai tō whiriwhiri i tērā e tika ana mōu. He ngohe e āhei ana ki te whakauru ki tō ao ako ahakoa mahi ai koe ki te taumata Hika, te taumata Whitawhita rānei. Ka mōhio hoki koe he aha te nui o ngā haora e tika ana kia rāhuitia kia pai ai tō whakaoti i te pīkau.

Pīkau Hangarau Matihiko | Digital Technologies Toolkits


Ngā Kiriahi

Ko Ngā Kiriahi te mokowā tuihono ā-hapori kua whakaritea pū mō Kia Takatū ā-Matihiko. E pōhiri ana i a koutou ki taua mokowā ki te aro ki ngā ihirangi, ngā rauemi me ngā matapakinga e hāngai ana ki te hōtaka takatū. Torohia te hononga ki Mō mātou ki te whai mōhiotanga atu anō mō Ngā Kiriahi.

Te Tokorima-a-Mahuika

Te Tokorima-a-Mahuika (TTaM) tētahi tino wāhanga o te Hōtaka Takatū. 15 katoa ngā pātai o TTaM. He mea hoahoa kia āhei ai ngā kaiako ki te tuku kōrero arotake e pā ana ki te āhua o tō rātou ‘takatū’ ki te whakatinana i te ihirangi marautanga Hangarau Matihiko hou. E whakapae ana mātou ka rite tonu te whakamahia ōna e ngā kaiako i a rātou ka koke i te Hōtaka Takatū. Mā te whakaoti i TTaM e puta ai tētahi pūrongo mā te kaiako e whakatakoto kōrero ana mō ōna haumāuiuitanga, ōna ngoikoretanga me ngā hipanga ka whai ki te whakatinana i te ihirangi marautanga hou o te Hangarau Matihiko. E rua ngā putanga o TTaM: ko tētahi mā te hunga nō rātou te haepapa ki te ārahi i te whakatinanatanga o te Hangarau Matihiko i ō rātou kura (Pouwhirinaki), ko tērā atu mā ērā ka whakaako i te ihirangi hou (Kaiako).

Ki te Ahikāroa

He pahekotanga ngā hui Ki te Ahikāroa, ko ngā hui ā-kaupapa rānei o ngā mahi rāwekeweke, ngā awheawhe kanohi ki te kanohi i tō rohe, tae atu hoki ki ngā hui ā-tuihono (ngā kauhaurangi pāhekoheko) hei whakaurutanga mā te katoa.

He kore utu ngā Hui ā-kaupapa, ā, ka whai wāhi ngā kiritaki ki te whakauru ki ngā akoranga hou, me te whakapuaki i ngā taumahi me ngā whakaaro mō te whakaurunga o te Hangarau Matihiko ki ngā hōtaka akomanga. Mā te hui ā-kaupapa e whai wāhi ai koe ki te tūhono, ki te tipu, ki te ako hoki tētahi i tētahi, e tautoko ana i a koe kia māia, kia takatū hoki ki te whakatinana i te Hangarau Matihiko.

Kua whakatārewahia tā mātou hōtaka kanohi ki te kanohi i tēnei wā. Tirohia tā mātou hōtaka Kauhaurangi Tuihono e rere ana tae atu ki te mutunga o te Wāhanga 3.