Kua tautokona ā-pūtea e Te Tāhuhu

He mema a Kia Takatū ā-Matihiko nō tētahi whānau o ngā kaiwhakaratonga e tautoko ana i te whakaurutanga ki ngā ihirangi o te marautanga Hangarau Matihiko. Ko ngā Āpiti ā-Hōtaka i tēnei huarahi ko:

Kia Takatū ā-Matihiko

Ka tautoko a Kia Takatū ā-Matihiko, te Hōtaka Takatū ā-Matihiko ā-Motu, i ngā kaiako ki te whakauru me te whakamahi i ngā ihirangi hou o te marautanga Hangarau Matihiko i te Wāhanga Ako Hangarau. Arā noa atu te maha o ngā rauemi, he wāhi hapori pāhekoheko, waihoki koia te kaupapa hei toro ki ngā hui ā-takiwā huhua e tū ana puta noa i Aotearoa.

Tahi Rua Toru - he wero

Tahi Rua Toru Tech - 123Tech te wero ā-motu o Aotearoa mō ngā ākonga hei tautoko i te tīmatanga o ngā Hangarau Matihiko i roto i te akomanga. Kua pātata te hanga o te wero Tahi Rua Toru ki tērā te wero angitu e kīia nei ko TechHub CREST Challenge, ā, e wātea ana ki ngā taumata katoa o te kura.

Raranga Matihiko

Hei wāhanga o te tahua pūtea Hangarau Matihiko mō te Katoa nō te Tāhuhu o Te Mātauranga, ka puakina e te hōtaka Raranga Matihiko ngā hangarau matihiko auaha ki ērā kāore e tino whai wāhi ki ngā akoranga. Orua tonu te whakapiki i te toronga ki ngā whakaaturanga me ngā kohinga ā-motu, ā-rohe hoki. Ka whakaoti rapanga ngā ākonga nō te ao tūturu me te whakahōhonu i tō rātou mātauranga ki ō rātou hapori me ō rātou rohe hoki.

Te Māpura Matihiko

Ka tautokohia e te Māpura Matihiko te whakatakinga o ngā ihirangi hou o te marautanga Hangarau Matihiko ki roto i ngā kura tuatahi, ngā kura takawaenga me ngā kura Māori hoki mā ngā awheawhe me ngā rauemi. Kua hoahoaina ia awheawhe ki te whakamāpura i te rongo āheitanga i roto i ngā ākonga, i a ia e whakapakari ana i ngā pūkenga me te māramatanga ki ngā hangarau matihiko mā te mahi pārekareka me te mahi pai.