He nama me utu mō te whakamahi i Kia Takatū?

Kāore. He utu-kore tonu ngā rawa katoa o te kaupapa o Kia Takatū, tae atu ki ngā hui wānanga katoa, ngā rauemi pērā ki ngā pīkau hoki, ki Ngā kiriahi hoki (arā, ko te hapori whakamahi, ko te 'Community of Practice). E kore e utua ngā nama kawe, ngā nama wāhi noho hoki.

He raru Takiuru/Uru

Kāore taku īmēra whakahohenga i tae mai ki ahau

  • I hē pea te tātaki kupu i tō wāhitau īmēra i tō rēhitatanga, kua mau rānei ki tētahi tātari paraurehe rānei ki wī, ki wā, ki hea rānei. Āta tirotiro ki āu tātari paraurehe, kātahi whakapā atu ki help@kiatakatu.ac.nz ki te kimi āwhina.

Ka haere au ki Waitohu, ki Rēhita rānei engari kāore i te kitea te wāhi tāuru, kupuhipa hoki

  • Kua kaha kitea ka takea mai ēnei raru i ngā aukati pānui i tāu pūtirotiro. Ka taea te tāpiri i tā tātou rohe, arā, i kiatakatu.ac.nz ki te rārangi mā i tāu aukati pānui. Ko te whakapae, ka whakatika tēnei i te raru. Tēnā whakapā atu ki help@kiatakatu.ac.nz ki te hiahia āwhina mō tēnei.

Ina ngana au ki te takiuru, ka tae mai te karere "I kitea kua raru tō whai takiuru." Kia mōhio ai mehemea i rēhita koe mā te Facebook, te Google, te LinkedIn rānei me whai koe i tēnei tikanga kia rēhita.

  • E toru pea ngā take i pēnei ai:

    • Kāore anō kia whakahohea tāu pūkete - me pāwhiri koe i te hono i roto i te īmēra whakahohenga ka tonoa ki tō wāhitau īmēra kia whakahohe i tāu pūkete. Mehemea kāore tētahi i tāe atu ki a koe, īmēra ki help@kiatakatu.ac.nz ki te kimi āwhina.

    • Kua hē te tāuru i tāu īmēra i tāu kupuhipa rānei, i te wā takiuru, i te wā rēhita rānei. Mehemea kāore te īmēra whakahohe i tae atu ki a koe, ko te mātamuri pea ina te take.

    • Me whai koe i te tikanga takiuru i whāia i tāu rēhita mai. Mehemea i rēhita koe mā te Facebook, te Google, te LinkedIn rānei me whakamahi koe i te pātene tika kei te taha mauī o te puka Takiuru kia takiuru ai, kaua ko ngā āpure mō te Īmēra, te Kupuhipa rānei kei te taha matau. Mehemea kua wareware ko tēhea i whakamahia, whakapā atu ki help@kiatakatu.ac.nz ki te rapu mōhiotanga.

Ka taea e au te takiuru, engari tē taea te uru ki ngā wāhanga o te pae atu i te Kōtaha.

  • Kia uru ki ngā wāhanga katoa o te pae, tuatahi me whakakī koe i ngā āpure waiwai (e tohua ana ki te *) i tō kōtaha Kia Takatū

  • Mā te whakakī i tō kotaha koe e whai uru ai ki ngā rauemi e whai ake nei:

    • Mā te whakakī i tō kotaha koe e whai uru ai ki ngā rauemi e whai ake nei:
    • Pīkau (Toolkits)
    • Ki te Ahikāroa (Hui Wānanga/Meetups)
    • Ngā Kiriahi (He Hapori Whakamahi/Community of Practice)

He take kōtaha

Me pēhea te whakarerekē i tāku wāhitau īmēra?

  • Ka taea tēnei mā tō whārangi kīwhaiaro. Ki te raru koe, tēnā, īmēra atu ki help@kiatakatu.ac.nz ki te rapu āwhina. Mehemea tē taea e koe te uru mā tō wāhitau tawhito i tēnei wā, me ui atu mātou i ētahi pātai kia whai manatoko mātou mōu.

Kāore au i te kite i tōku kura, i tōku Whare Kōhungahunga rānei i te takaiho i te whārangi kōtaha

  • Ki te kore tō kura e puta, tēnā patohia ētahi anō reta, patohia ki tō kura he kuputuhi motuhake, kāore e kaha kitea ana rānei e tinga ana ka iti iho ai pea ngā hua ka puta. Whakamahia te pae panuku kei te taha kia panuku whakararo, kia kitea ai ētahi anō tāurunga.

    Hei tauira, mehemea ko "Te Kura o Hato Hōhepa (Taihape)" te ingoa o tō kura, e tinga ana ka puta tētahi hua mā te rapu i te "Taihape" nā te mea he maha ngā kura o Hato Hōhepa i Aotearoa, otirā e one noa iho ngā kura e hāngai ana ki Taihape.

    Kia mōhio mai ka whakapotongia te nuinga o ngā Kura Kaupapa Māori kia TKKM, engari i ētahi anō wā ka takikupu i te katoa, nā, me whakamahi pea ngā mea e rua kia puta he hua. He pērā anō te "Saint" ka whakapotongia kia "St" (kāore he "." i muri), heoi anō i ētahi anō wā ka takikupu i te katoa.

    Mehemea tē taea tonu te kite i tō kura, whakapā atu ki te tautoko ki help@kiatakatu.ac.nz whakamahia "Arā atu" rānei.

Ehara au nō tētahi kura, tētahi Whare Kōhungahunga rānei - he aha te kōrero me tāuru ki tēnei āpure?

  • Mehemea ehara koe nō tētehi kura, Whare Kōhungahunga rānei, whakamahia "Arā atu".

Utauta Arotake Whaiaro, ā-Rōpū hoki

Kua hanga au i tētahi Rōpū i roto i te utauta Arotake Whaiaro, ā-Rōpū hoki, engari tē taea e au te kite i te pūrongo.

  • Me tokotoru neke atu rānei ngā mema o te Rōpū kia whakakitea mai ai te pūrongo. He āhua tenei hei tiaki i te noho kirimuna o ngā mema o te Rōpū.

Ngā Hui Wānanga

Tē taea e au te tae atu ki tētahi Hui Wānanga kua rehitatia kētia au - ka taea e au te whakakore?

  • Ka taea e koe te whakakore i tō rēhitatanga ki te Hui Wānanga mā te takiuru ki Kia Takatū, te haere ki https://ahikaroa.kiatakatu.ac.nz/, te pāwhiri i te pātene Tiro Rēhitatanga i raro i te Hui Wānanga e arohia ana me te pāwhiri i te pātene Whakakorea tō Rēhitatanga.

Pīkau/Toolkits

Kua oti i a au ētahi Pīkau engari nō taku takiuru anō i muri mai i kitea e ngaro ana taku ahunga.

  • Ko te mahi tuatahi he hihira kua takiuru koe ki te pūkete tika mehemea e rua āu pūkete, neke atu rānei. Kia ngāwari tonu, ka tūtohi atu mātou kia kotahi anake tāu pūkete Kia Takatū.

    Mehemea kua mōhio tūturu koe i takiuru koe ki te pūkete tika, ā, tē taea tonuhia e koe te kite i tō ahunga, tēnā whakapā atu ki help@kiatakatu.ac.nz ki te kimi āwhina.

Kua oti i a au tētahi Pīkau, engari kāore e kitea ana ki ngā whakairoiro i te Paemana.

  • Ka whakahoungia ngā ōrau Pīkau i te Paemana matua i ia hāora noa, nō reira e kore pea e tere whakaaturia he Pīkau kātahi anō kia oti i a koe.

Tē taea e au te 100% i ētahi Pīkau, ahakoa kua oti ngā mahi katoa

  • Kua whakahoungia ētahi ihirangi i te Pīkau o mua, nā, tē taea te whiwhi i te 100% i ēnei ināianei. Kāore he mahi anō hei mahi māu.

He take anō

E hiahia ana au ki te muku i tāku pūkete Kia Takatū

  • Mā mātou tēnei mahi e mahi māu. Tukua tētahi īmēra ki help@kiatakatu.ac.nz, ā, mā mātou te tono e whakatutuki.