te reo Māori (MM)
Kia Takatū ā-Matihiko
E ngiha tonu ai te kāpura a Mahuika, me tou tonu, me tou tonu. E Māui ai tō rite, me māminga tonu, me pākiki tonu.
Kia Takatū ā-Matihiko: Wāhanga 1
Ka kōrerohia e Nichole Daly ētahi āhuatanga o te hōtaka Kia Takatū ā-Matihiko tae atu ki te Utauta Tātari Whaiaro, arā, Te Tokorima-ā-Mahuika; te Kāhui Ako ā-tuihono arā, ki Ngā Kiriahi; me ngā Keteako, arā, a Pīkau.
Kia Takatū ā-Matihiko: Wāhanga 2
Ka kōrerohia e Nichole Daly ētahi āhuatanga o te hōtaka Kia Takatū ā-Matihiko tae atu ki Te Ahikāroa, ki ngā hōtaka taunaki i ngā Kaiārahi Matihiko arā, ngā Pouahi i roto i ā rātou ake hōtaka Ārahi, me ngā Whakakitenga ā-Matihiko e kīia nei ko Te Pā Pouahi me Te Tahu Ahi.
Ngā Whakaratonga Tautoko Hangarau Matihiko a Te Tāhuhu o te Mātauranga
Te Whakataetae Matihiko ā-motu
Whakanuia te kounga o te ako i te hangarau matihiko i ngā kura mā te Whakataetae Matihiko ā-Motu - Me kite i ētahi toa whakaihuwaka ā-Takiwā, ā-Motu hoki! Te Whakapāohotanga Whakataetae Hangarau ā-Motu, Te Taki Hangarau Tahi Rua Toru.
Te Ngaio Whakauru i te Hangarau Matihiko
E wātea ana kia tonoa e ngā kura, ngā Kāhui Ako, me ngā kaiārahi ā-kaupapa, ā-kura hoki ki te tono i ngā tū ngaio Hangarau Matihiko hāngai i raro i ngā pūtea tautoko a te Tāhuhu.
He mea āwhina i a rātou e whakaaro ana ki ngā ara whakauru i ngā mātauranga o te Hangarau Matihiko ki ā rātou hōtaka ako. Ngā Taunakitanga Ngaio mō te Hangarau Matihiko.
Te Tahua Pūtea Hangarau Matihiko mā te Katoa
E whakarato ana ki ngā ākonga rawakore kei ngā horopaki arareo Māori, arareo Pākehā hoki ngā taiao ako e haumako ana ngā tū hangarau hāngai.
I ia tau, tae atu ki te mutunga o te tau 2020, ka pā tēnei Tahua Pūtea ki ngā ākonga 12,500 puta noa he ngoikore ngā whakaritenga taunaki, ngā hangarau matihiko rānei i te kāinga ka tahi, he ngoikore, karekau rānei he hangarau e wātea ana, he WiFi rānei i waho atu i te kura ka rua.
Te Papa - Raranga Matihiko, Digital Ignition | Māpura Matihiko.
Te Ngaio Matatautanga ā-Matihiko
Te Ngaio Hangarau Matihiko - Tukanga.
Ngā Taunakitanga Ngaio mō te Hangarau Matihiko - Ko hea te ara pai mōu?
Ngā Honotere Hangarau Matihiko.
Te pae tukutuku Whakatupuranga Hangarau Matihiko
Ka kitea i konei ngā Tupuranga e rua arā te Whakaaro Rorohiko me te Tangata me te Rorohiko. He rauemi e taunaki ana i ngā tupuranga e rua pēnei i ngā tauira whakaako, ngā ataata, ngā ngohe, ngā aromatawai ka taea me ētahi kupu hou.
Te Marautanga o Aotearoa - Ngā Wāhanga Ako - Hangarau
Ka kitea i konei te katoa o ngā ihirangi e hāngai ana ki te wāhanga ako Hangarau tae atu ki ngā whakahoutanga o taua wāhanga ako arā ngā Tupuranga e rua, te Whakaaro Rorohiko me te Tangata me te Rorohiko.
Ngā Taumata Mātauranga ā-Motu ka Taea mō te Hangarau Matihiko
Ka kitea i konei ngā paerewa paetae NCEA Taumata 1, 2 me te 3 me ngā aromatawai mō te Hangarau Matihiko.
E harikoa ana a CORE Education ki te mahitahi ki ōna umanga āpiti ki te whakataki i te hōtaka Kia Takatū ā-Matiko hei whakatinana i te Taunakitanga Ngaio a te Tāhuhu o te Mātauranga mā ngā pouako, ngā kaiārahi me ngā tumuaki hoki.
Koinei ngā āpiti e kōrerohia nei: ko University of Canterbury Computer Science Education Research Group, ko AATEA Solutions, ko UC Education Plus, ko Kia Ata Mai Educational Trust, ko te Open Polytechnic, ko New Zealand Council for Educational Research, ko Museum of New Zealand Te Papa Tongarewa, ko NZTech, ko Young Animators, ko Digital Technologies Teachers Aotearoa tae atu rā ki Code Club New Zealand.