E rite ana koe ki te whakatinana i ngā ihirangi marautanga hou o Hangarau Matihiko?

Whakamahia tā mātou utauta arotake whaiaro kia mōhio ai koe ki tō takatū ki te whakatinana i ngā ihirangi marautanga hou, kia rite hoki ai tō mārama ki tērā te mārama o ngā ākonga. Ka tutukihia te arotake i te rima ki te tekau miniti, ā, ka noho matatapu ngā hua ki te kaiwhakamahi (hāunga ērā ka whakaae kia tiria).

Pāwhiria i konei ki te waitohu mai

Nau mai rā, Welcome

Tautī mai rā kei ngā mati hangahanga rau a Māui ki tēnei kaupapa e kīia nei ko, Kia Takatū ā-Matihiko. Tau mai rā Ngāi Māminga, Ngāi Pākiki, Ngāi Pīkoko ki te takuahi, ki Hangarau Matihiko. Nau mai rā ki te mahanatanga o Kia Takatū ā-Matihiko ki konei ako tahi ai, wānanga tahi ai ngā āhuatanga matihiko huhua kia whitawhita tonu. Tēnā koutou katoa.

He aha te Kia
Takatū ā-Matihiko?

Kua whanakehia te hōtaka Kia Takatū ā-Matihiko ki te whakaū i te takatū o ngā kaiako ki te whakatinana i te ihirangi hangarau matihiko hou. He mea kauanuanu te hōtaka e ngā kōrero mō Māui rāua tōna kuia a Mahuika me te tūhuratanga o te pūtaketanga o te ahi. He pākiki, he māia, he marohi a Māui, ā, i nui hoki tana hiahia kia pai ake ngā mahinga o ngā mea huhua. He whaiwhakaaro, he manawanui, he mōhio hoki a Mahuika. He momo āhuatanga ēnei ka hāpai i ngā kaiako puta noa i Aotearoa ki te ngingiha i te āpōpō o ā tātou tamariki kia Māui-waihanga, kia Māui-auaha i ngā mahi ki ngā hangarau matihiko kaua kē ia he kaiwhakamahi noa iho. #kiaMāuitōrite, #kiaMahuikatōrite, #FutureThinking_Today

Pāwhiria i KONEI ki te ako tonu e pā ana ki ngā āhuahira o te hōtaka Kia Takatū ā-Matihiko.

Waitohua ki te Kia Takatū ā-Matihiko, ā, whakakīia Te Tokorima-a-Mahuika (ko te Utauta Arotake Whaiaro).

Pāwhiria i konei ki te waitohu mai

Pīkau/Toolkits

He kupu te pīkau mō tētahi momo pāhi, kete utauta rānei. Hei te mutunga o te hōtaka Kia Takatū ā-Matihiko he pīkau rauemi tāu hei whakamahi i ngā mahi ako i te ihirangi hangarau matihiko hou.

Te whiriwhiri pīkau
He kupu whakataki kei te tīmatanga o ia pīkau. He ataata kei te whakatakinga me ngā mōhiotanga e pā ana ki ngā raunga kei te pīkau kia pai ai tō whiriwhiri i tērā e tika ana mōu. He ngohe e āhei ana ki te whakauru ki tō ao ako ahakoa mahi ai koe ki te taumata Hika, te taumata Whitawhita rānei. Ka mōhio hoki koe he aha te nui o ngā haora e tika ana kia rāhuitia kia pai ai tō whakaoti i te pīkau.

Pāwhiria i konei ki te waitohu mai